Viktimat në det ekspozojnë mungesën e masave të sigurisë në plazhe ne Shqiperi Policia shqiptare tha të dielën se tre persona janë mbytur teksa notonin në plazhin Vilë- Bashtovë në zonën e Kavajës. Një nga viktimat është identifikuar si Elvis Halilaj 50 vjeç nga Tirana, dhe është babai i dy të miturve të tjerë 13 dhe 15 vjeç, që humbën jetën. Dëshimitarët kanë pohuar se tre personat humbën jetën nga dallgët e forta dhe mungesa e ndihmës së parë të specializuar. Sipas të dhënave të para këtë vit janë shënuar katër viktima nga mbytja në det ndërsa mediat kanë raportuar disa raste të rrezikut për mbytje në disa nga plazhet e vendit. Në shumë zona të plazheve shqiptare këtë vit po evidentohet mungesa e vrojtuesve të plazheve që është një detyrim ligjor për sipërmarrjet që ushtrojnë aktivitet në bregdet.

Objavil/a Zëri i Amerikës dne Nedelja, 09. julij 2023